წიგნიერი და მედეაწიგნიერი თაობა

სსიპ ზურაბ იარაჯულის სახელობის ქალაქ თბილისისN106 საჯარო სკოლის

მუსიკის პრაქტიკოსი მასწავლებლის ნათია გოგნიაშვილის მიერ ჩატარებული

სოციალური პროექტი

თემა: წიგნიერი და მედიაწიგნიერი თაობა

ავტორი მასწავლებელი: ნათია გოგნიაშვილი

მონაწილეები - სკოლის მოსწავლეები, მშობლები, პედაგოგები, ადმინისტრაცია.

კლასი - III⁶

პერიოდი - 2019 წლის 01.11- 26.11.

თემის აქტუალობა-

წიგნიერება და მედიაწიგნიერება მნიშვნელოვანი კომპეტენციაა, რომელსაც მასწავლებელი უნდა უვითარებდეს მოსწავლეებს. ინფორმაციის მოძიება , გაგება , გაფილტვრა, მცდარი ინფორმაციის და ფაქტის ერთმანეთისგან გარჩევის უნარის გამომუშავება აქტუალური საკითხია.

ამ ყოველივემ გადამაწყვეტინა პროექტის დაგეგმვა, რაშიც დახმარება გამიწიეს კლასის მშობლებმა.

პროექტის მიზანი- სკოლისა და ოჯახის მჭიდრო პარტნიორობით კლასში სწავლა-სწავლების პროცესის გაუმჯობესება .

პროექტის ამოცანები

1 - სასწავლო პროცესში კლასის მშობელთა ჩართულობის სტიმულირება.

2 - მოხალისე მშობელთა შესაძლებლობების გათვალისწინებით მოხალისეობის დანერგვის შემუშავება.

3- მშობელთა ჩართულობით დაგეგმილი ერთობლივი ღონისძიებების განხორციელება.

4- მშობელთა ჩართულობის ხარისხის მიმართების განსაზღვრა მოსწავლეთა შედეგებთან.

5 -მშობელთა ჩართულობის ხარისხის მიმართების განსაზღვრა მოსწავლეთა განწყობასთან.

6- სკოლის თემის ჩართვა პროექტის მიმდინარეობაში.

განხორციელების გზები:

1 პროექტის იდეისა, მიზნისა და ამოცანების დამუშავება;

2 საინფორმაციო შეხვედრის ორგანიზება მშობელთათვის, სკოლაში დანერგილი ინოვაციების გაცნობა. პროექტის შესახებ მათი ინფორმირება.

3 პროექტის განხორციელებაზე პასუხისმგებელი პირის შერჩევა; მონიტორინგის ჯგუფის შექმნა;

4 ღია კარის დღეები სემესტრის განმავლობაში, მშობელთა მოწვევა გაკვეთილებზე მშობლების მიერ საინტერესო წიგნების პრეზენტაცია. ინფორმაციის მიწოდება, სიუჯეტების შერჩევა და განხილვა.

5 კითხვარების დამუშავება , შედეგების ანალიზი;

6 საინფორმაციო ბუკლეტების დამზადება და სკოლის ტერიტორიაზე დარიგება.

7 საბოლოო შეხვედრა მრგვალი მაგიდა-პრეზენტაცია, პროექტის შეფასება -შედეგებზე დაყრდნობით სკოლის ადმინისტრაციის, მასწავლებლებისა და მშობლებისათვის რეკომენდაციების შემუშავება.

მოსალოდნელი მოკლევადიანი შედეგი

მოსწავლეები გაიღრმავებენ ცოდნას მედიაწიგნიერების შესახებ. შეძლებენ მოსმენილი ინფორმაციის გაანალიზებას.

მოსალოდნელი გრძელვადიანი შედეგი

პროექტი გაზომავს , რამდენად შეცვლის ამა თუ იმ სახით მშობლის ჩართულობა სწავლა - სწავლების ხარისხს; აამაღლებს მშობელთა ცნობიერებას სასკოლო ცხოვრებაში მათი მონაწილეობის შესახებ. თანატოლებზე ზრუნვა და შეძენილი ცოდნის გადაცემა.

რესურსები

ელექტრონული - word excel power point.

საკანცელარიო- თაბახის ფურცლები, საპრეზენტაციო ქაღალდი , მარკერები,

ფოტოაპარატი, , კომპიუტერი.

პროექტის შეფასება

1- მოსწავლეთა აკადემიური მოსწრების შედეგებით, ჩართული მშობლების რაოდენობითა და მათი გამოხმაურეის საფუძველზე;

2- კლასის ხელმძღვანელის თვითდაკვირვების საფუძველზე;

3- ადმინისტრაციის მიერ პროექტის ეფექტურ მიმდინარეობაზე განხორციელებული მონიტორინგის საფუძველზე.

პროექტის მიმდინარეობის მონიტორინგი

შიდა მონიტორინგი - პროექტის ავტორიმასწავლებელი თავად აკვირდება მიმდინარეობას და შედეგს.

გარე მონიტორინგი- ადმინისტრაცია აკვირდება პროექტის მიმდინარეობასა და შედეგს. შესაძლო რისკები:

შესაძლოა მშობელთა მონაწილეობის კუთხით პროექტის წარმატების გაზომვისათვის საჭირო რაოდენობამ არ გამოთქვას სურვილი პროექტში ჩართვის შესახებ, ამ შემთხვევაში დაიგეგმება დამატებითი ღონისძიებები მათი მოტივაციის ასამაღლებლად. ( მაგალითად სასკოლო ღია კარის დღეები, შემოქმედებითი საღამოები მოსწავლეთა მონაწილეობით და სხვა. )

პროექტის კალენდარი

	აქტივობის აღწერა	ჩატარების დრო
1	პროექტის იდეის , მიზნისა და ამოცანების დამუშავება	1.11.2019
2	საინფორმაციო შეხვედრის ორგანიზება მშობელთათვის, სკოლაში დანერგილი ინოვაციების გაცნობა. პროექტის შესახებ მათი ინფორმირება.	8.11.2019
3	პროექტისგანხორციელებაზე პასუხისმგებელიპირის შერჩევა; მონიტორინგის ჯგუფის შექმნა;	11.11.2019
4	ღია კარის დღეები სემესტრის განმავლობაში, მშობელთა მოწვევა გაკვეთილებზე მშობლების მიერ საინტერესო წიგნების პრეზენტაცია. სიუჟეტების ყურება და გაანალიზება.	18.11.2019
5	კითხვარების დამუშავება , შედეგების ანალიზი;	22.11.2019
6	.საბოლოო შეხვედრა მრგვალი მაგიდა-პრეზენტაცია, პროექტის შეფასება -შედეგებზე დაყრდნობით სკოლის ადმინისტრაციის, მასწავლებლებისა და მშობლებისათვის რეკომენდაციების შემუშავება.	26.11..2019